የክረምቱ ወቅት አልፎ የበጋው ወቅት መተካቱን ተከትሎ በሚፈጠር ሙቀትና ውሃ በሚያቁሩ ኩሬዎች ምክንያት የወባ ትንኝ ከወትሮው በተለየ መልኩ ሊራባ ስለሚችል ጥንቃቄ ሊደረግ ይገባል ።

በመሆኑም የወባ በሽታን ለመከላከል መወሰድ ያለባቸው
*****************************

👉አጎበርን በአግባቡ መወጠር
👉አጎበርን ሁሌም በአግባቡ መጠቀም
👉በፀረ-ወባ ኬሚካል በተነከረ አጎበር ውስጥ መተኛት
👉የአጎበር አጠቃቀም ላይ ለነፍሰጡር እናቶችና ለህጻናት ቅድሚያ መስጠት
👉አጎበርን ለታለመለት አላማ በማዋልና መጠቀም
👉የቤት ውስጥ የፀረ ወባ ትንኝ ኬሚካል ቤትዎን ማስረጨት
👉በጸረ-ወባ ኬሚካል የተረጨ ግድግዳ ላይ እስከ 6 ወር ቀለም አለመቀባት፤ እበት ባለመለቅለቅ፤ በወረቀት አለመሸፈን
👉በግቢዎና በአካባቢዎ ያሉ ዉሃ የሚያቆሩ ቦታዎችንና ቁሳቁሶችን እንደ መኪና ጎማ፣ የሸክላ ስባሪዎች፣ የወዳደቁ ጣሳዎች ማስወገድ፡ ማፋሰስ፤ መደልደል

👉እንደ ትኩሳት፣ ብርድ ብርድ ማለት፣ ማንቀጥቀጥ ምልክት ካጋጠመ በወባ በሽታ ተይዘው ሊሆን ስለሚችል ወዲያውኑ ወደ ጤና ተቋም መሄድና ህክምና ማድረግ
👉በምርመራ የወባ በሽታ መሆኑ ከተረጋግጠ በጤና ባላሙያ በታዘዘሎት መሰረት መድኃኒቱን ጨርሶ መውሰድ
👉በወባማ አካባቢዎች ከአንድ ወር በላይ ቆይተው ሲመለሱ የወባ በሽታ ምርመራ በማድረግ ራስዎን ቤተሰቦን እና ማህበረሰቡን ከወባ በሽታ ይከላከሉ፣"

የተከለከሉ ጉዳዮች
***********

👉የወባን በሽታ እራስን በራስ ማከም የተከለከለ ነው
👉የወባ በሽታ ምርመራ ሳያደርጉ የወባ በሽታ መሆኑን ሳያውቁ መድሃኒት መውሰድ ፍጹም የተከለከለ ነው
👉ለአንድ ሰው የታዘዘን መድሃኒት ለሌላ ማካፈል የተከለከለ ነው
👉በጤና ባላሙያ የታዘዘሎትን የወባ መድኃኒት ጨርሰው አለመዉሰድ በሌላ ጊዜ በመድሃኒቱ እንዳይፈወሱ ያደርጋል

👉ከመድሃኒት ውጤታማነትና በአወሳሰድ ስህተት የሚፈጠሩ ችግሮች ካሉ ወዲያውኑ ወደ ሃኪም ቤት እንዲሄዱ ይመከራል።

******
የቀቤና ልዩ ወረዳ የመንግስት ኮሚዩኒኬሽን ጉዳዮች ፅ/ቤት